Dieta me rrush: Humbni 3 kilogramë për vetëm 7 ditë

Me këtë dietë nuk do të vuani urie, por pa shumë mund do të mund t’i hiqni kilogramët shtesë, thotë Ana Bins, nutriciste britanike. Mbajtja e dietës nuk është e lehtë dhe nuk kanë sukses të gjithë. Regjimin restriktiv të ushqimit e përcjell uria konstante, si dhe heqja dorë nga ushqimet e preferuara, që njëherësh është edhe shkaku kryesor pse njerëzit nuk ia dalin që ta mposhtin luftën me kilogramët shtesë. Me dietën me rrush, të cilën e ka menduar dr. Ana Bins, nuk do ta ndieni se jeni në dietë dhe pa shumë mund për një javë do të humbni tre kilogramë. Për të pasur sukses në qëllimet tuaja, brenda ditës nuk guxoni të konsumoni më tepër se 1.200 kalori. Pos kësaj, duhet të konsumoni edhe 400 g rrush, që përmbajnë 280 kalori shtesë. Dietën do ta filloni të hënën deri të mërkurën, për të vazhduar përsëri me planin nga fillimi, pra pasi ta keni përfunduar ditën e mërkurë, filloni të enjten me planin e së hënës dhe kështu me radhë.

Çfarë lejohet:
- 400 g rrush në ditë
- vezë, të gjitha llojet e mishit, përfshirë dhe frutat e detit
- perime, sidomos domate, speca, qepë, tranguj, kungulleshka, patëllxhan, lakër, karota, kërpudha…
- pemë, pa përjashtim
- rreth 150 g mjaltë
- vaj ulliri
- ujë, çaj, lëngje pa ëmbëltues kohë pas kohe.
Çfarë është e ndaluar
- të gjitha llojet e sheqerit, fasule, bizele, çokollatë, kripë, majonezë.

Plani i ushqimit
E hënë
Kafjalli: 1 pjesë bukë integrale, dy pjesë gjoks pule, 1 dl qumësht apo jogurt.
Zamra: 200 g rrush të zi.
Dreka: 1 vezë të fërguar, 250 g perime të përziera dhe të fërguara të erëzuara me vaj ulliri, limon dhe uthull, 40 g bukë integrale.
Zamra: 200 g rrush të bardhë.
Darka: 150 g biftek viçi të pjekur dhe të erëzuar me dy lugë vaj ulliri, 40 g bukë, ndërsa për desert pire nga mollët.

E martë
Kafjalli: 50 g myesli, 2,5 dl jogurt
Zamra: 1 gotë lëng rrushi apo 150 g rrush të bardhë.
Dreka: 100 g mish të bardhë të pjekur, 250 g perime të përziera të erëzuara me një lugë vaj ulliri, limon dhe uthull, 40 g bukë integrale.
Zamra: 150 g rrush të zi.
Darka: 120 g biftek me mish peshku në skarë dhe 250 g sallatë me misër dhe karota të erëzuara me vaj ulliri, uthull dhe lëng limoni, 50 g bukë.
E mërkure
Kafjalli: jogurt pemësh.
Zamra: 200 g rrush të bardhë.
Dreka: 100 g makarona me salcë domatesh.
Zamra: sallatë nga mollët, dardhët dhe rrushi.
Darka: 150 g djathë të ri, 250 g perime të përziera me vaj ulliri, limon dhe uthull, 40 g bukë integrale.